Vrasja e biznesmenit Adrina Nikulaj para një jave në Shëngjin tronditi të gjithë vendin, teksa ditën e djeshme Policia e Shteit zbardhi dinamikën e ngjarjes.
U zbulua se ekzekutori ishte një shtetas portugez, i identifikuar si Ruben Saraiva, ndërkohë që porositësi ishte Edmon Haxhia, i nxitur nga motivi i gjakmarrjes. Ndërkohë që gazetarja Klodiana Lala ka deklaruar se një e grua e penduar e drejtësisë ka zbardhur të gjithë ngjarjen. Ajo ka treguar me detaje çdo veprim të portugezit dhe bashkëpuntorëve të tjerë për realizimin e krimit. Sipas Lalës, personi që ka zbardhur ngjarjen para Policisë së Shtetit ka treguar ndër të tjera se portugezi ka shkuar edhe herë të tjera i armatosur dhe me të njëjtin motor për të ekzekutuar Ardian Nikulajn, por nuk ka arritur dot.
Klodiana Lala: Në momentin që këta kanë mbërritur kanë filluar komunikimet me njëri-tjetrin. Simpson, Hunt dhe të tjerët kanë arritur të siguronin gjithë perimetrin e zonës për të vëzhguar të gjitha lëvizjet.
-Sa ditë kanë qëndruar britanikët në hotelin e tij?
Klodiana Lala: Nuk kanë qëndruar vetëm në hotelin e tij, kanë qëndruar në disa zona. Në një nga ditët kanë qëndruar aty. Kanë ardhur në kohë të ndryshme, portugezi ka qëndruar në zonën e Shkodrës, është filmuar edhe në një market ku ai merrte ushqimet, por nuk është gjetur ende banesa ku ai ka qëndruar me qira. Kjo ngjarje ka një detaj që zbulohet këtu për herë të parë. Ka një të penduar të drejtësisë, është një dëshmitar i cili ka zbërthyer të gjithë skemën për hetuesit, për prokurorin e çështjes Erion Shehaj dhe Shefin e Krimit të Organizuar në Policinë e Shtetit, ajo ka treguar të gjitha lëvizjet e portugezit…
-Ajo?
Klodiana Lala: Po është një grua. Nuk e di identitetin e gruas, por di të them, këtu është dhe në vendimin gjyqësor që është firmosur pak më parë, ajo tregon të gjitha lëvizjet e portugezit. Fakti që ai ka shkuar disa herë për të kryer vrasjen e nuk ka arritur dot.
-A ka shkuar i armatosur disa herë portugezi?
Klodiana Lala: Absolutisht, me të njëjtin motor.
