Ka nisur në Komisionin e Pavarur të Kualifikimeve seanca për prokurorin e Sarandës, Sali Hasa. Ky i fundit ndodhet pas hekurave, pasi u arrestua në muajin qershor për korrupsion.
Prokurori nuk ka shkuar në seancë edhe pse ishte njoftuar ditën e djeshme. Të pranishëm nuk kanë qenë as përfaqësuesi t ij ligjor.
Në hetimin e kryer nga ILDKP rezultoi se deklarimi i prokurorit për pasurinë nuk është i saktë dhe ka mungesë burimesh. Hasa është bërë objekt i deklarimit të pasurisë në vitin 2004.
Ai ka shitur një apartament në Kavajë, për të cilin ka deklaruar se e ka shitur për shumën 1 mln e 500 mijë lekë në 1998.
Hasa ka gjithahstu mungesë dokumentacioni për ndërtimin e një karabinaje. Ndër të tjera, ai nuk justifikon 900 mijë lekë. Prokurori ka deklaruar truall 500 m2, për 400 mijë lekë në 1998, që është materializuar në vitin 2001. Në deklarimin e tij ka mospërputhje për shitjen e pasurisë karabina, pasi ka deklaruar vetëm shitjen e sipërfaqes së pronës. Për ndërtimin në fjalë është konstatuar gjithashtu mungesë leje ndërtimi dhe dokumentacioni. I dyshimtë është edhe mos deklarimi i ndërtesës dhe shitblerja e saj pasi ka mospërputhje në deklarata. Gjithashtu ka mungesë dokumentacioni për shumën 2.5 lekë me të cilën deklaron se e ka shitur.
Dyshime ka ngritur edhe një apartament me sip 163m2 në Durrës, sipas kontratës janë paguar pjesërisht me afat përfundimi shlyerje në vitin 2001 për të cilin ka paguar 44 mijë dollarë amerikan. Mbetet e paqartë periudha e shlyerjes së kësaj shumë. Ka mungesë destinacioni.
