Pas një viti pezullim, ka nisur gjykimi në mungesë i Altin Hajrit, pronarit të “Golden Resort”, i akuzuar për rrëmbimin dhe vrasjen e Jan Prengës.
Këtë të mërkurë, SPAK lexoi kërkesën për gjykim, ku ndaj Hajrit rëndojnë akuzat për rrëmbim dhe mbajtje peng me pasoja fatale.
Hajri, që ndodhet në arrati, përfaqësohet nga avokati Arbër Hoxha.
Avokati ka pretenduar pafajësinë e klientit të tij, duke theksuar se Hajri nuk ka marrë pjesë në rrëmbimin dhe zhdukjen e trupit të Prengës.
Gjykata ka pranuar kërkesën për të përfshirë dëshmitarë të lidhur ngushtë me Hajrin, ndërkohë që mbrojtja ka kërkuar të merret parasysh vendimi i Gjykatës së Lartë, e cila shpalli të pavlefshëm dënimin me burg përjetë ndaj kopshtarit të “Golden Resort”.
Gjithashtu, Altin Hajri përballet edhe me një masë tjetër sigurie lidhur me dosjen e ish-deputetit socialist Jurgis Çyrbja.
Gjykata ka caktuar masën “arrest me burg” në mungesë për Hajrin, pasi dyshohet se ka komunikuar përmes aplikacionit Sky ECC për favore në procese gjyqësore dhe dekonspirimin e operacioneve policore.
