Kandidati për deputet i Lëvizjes Socialiste për Integrim, Endrit Braimllari ka paditur në Prokurorinë e Posaçme për Krimin e Organizuar dhe Korrupsionin, SPAK ministrin e mbrojtjes Niko Peleshi. Së bashku me ministrin të paditur janë dhe tre drejtues të tjerë të qarkut Korçë për akuzat e “shpërdorim detyre” dhe “përdorim i funksionit publik për veprimtari politike ose zgjedhore”.
3 drejtorë e paditur janë, Petrika Tollkuçi drejtori i FSDKSH Korçë Ilir Bajlozi drejtori i drejtorisë rajonale të Sigurimeve Shoqërore Korçë. Artur Qeramixhi drejtor i OSHEE Korçë. Sipas dokumentit që ka paraqitur, Braimllari shkruan se Peleshi së bashku me drejtorët kanë braktisur postet e tyre jo publike dhe janë futur në fushatë duke përdorur funksionet e tyre ku të munden në kundërshti me ligjin. Gjithashtu Braimllari ka theksuar se edhe punonjësve në varësi të tyre iu ngarkojnë detyra politike pa të drejtë.
“Të gjithë këta shtetas të cilët kemi kallëzuar ushtrojnë funksione publike prej kohësh, ata e kanë lënë postin dhe kanë filluar të bëjnë fushatë ku të munden dhe si të munden duke filluar që nga zyra e tyre ku ushtrojnë detyrën publike, ashtu edhe të punonjësve në varësi të tyre duke i ngarkuar me detyra politike edhe pse ato ushtrojnë një detyrë publike jopolitike”- citohet në dokument.
