Kryeprokurori i Prokurorisë Themelore në Prizren, Admir Shala, ka konfirmuar se në Prizren janë gjetur të vdekur dy persona, dhe se njëri nga ta është zyrtar policie.
Shala ka treguar se tashmë Prokurori ka shkuar në vendin e ngjarjes dhe po merret me rastin.
Kryeprokurori ka treguar se dy viktimat janë babë dhe bijë. Ai thotë për gazetën Express se dyshohet se lidhja mes dy viktimave është babë dhe bijë, S.M. rreth 50 vjeç dhe një vajzë në të 20-at.
“Ka ndodhur një rast tragjik, ku ne një shtëpi janë gjetur 2 viktima, qe dyshohet se janë vrare nga arma e zjarrit. Viktimat janë familjare, babë e bije. Njeri nga viktimat dyshohet se është zyrtar policor. Prokurori se bashku me Policinë dhe njësite tjera relevante kane dalur ne vendin e ngjarjes. Nuk dihen akoma rrethanat se si ka ndodhur rasti”.
Dyshohet se babai ka vrarë vajzën e tij dhe më pas edhe veten.
Ngjarja ka ndodhur pak para orës 20:00, kohë kjo kur polici do të duhej të nisej për në punë. Në vendin e ngjarjes janë Prokuroria dhe Policia të cilët po merren me rastin në fjalë./Gazetareforma.com/
