fbpx

Ngjarje e rëndë në Tiranë/ Atentat tek Piramida, identifikohet viktima (foto)

Google+ Pinterest LinkedIn Tumblr +

Një ngjarje e rëndë ka ndodhur mëngjesin e kësaj të enjte në kryeqytet. Në rrugën  e Elbasanit, pranë Piramidës, është bërë një atentat me pasojë vdekjen.

Autoritet kanë zbuluar emrin e viktimës. Bëhet fjalë për shtetasin Behar Sulo Sofia, 65  vjeç,  i cili u qëllua mëngjesin e sotëm me armë me silenciator. Ai mori dy plumba dhe megjithëse u transportua në spital, nuk ka mundur të mbijetojë.

Siç shihet edhe nga pamjet që trasmetohen, në trotuar janë ende të freskëta njollat e gjakut, ndërkohë që policia ka vendosur dhe perimetrin e sigurisë.

Sipas personave të pranishëm në vendgjarje, viktima ishte duke ecur në këmbë, ndërkohë që atentatorët dyshohet se mund të kenë qenë me makinë. Ai ka marrë dy plumba në trup. Fakti që arma ka qenë me silenaciator, hedh dyshimet se e gjithë skena ishte e mirëmenduar.

Kanë qenë kalimtarët ata që kanë pikasur një person të shtrirë përtokë në rrugë dhe të mbuluar në gjak, ndërsa kanë njoftuar policinë. Kjo e fundit pasi mbërriti në vendin e ngjarjes, bashkë me një autoambulancë e cila bëri të mundur transportimin e tij në spital.

Tani në vendin e ngjarjes ndodhen forca të shumta policore të cilat kanë rrethuar zonën dhe po punojnë për zbardhjen e atentatit dhe identifikimin e autorëve.

Shpërndaje
Share.

Komento