Një tentativë për grabitje në një banesë në Roskovec ka përfunduar me plagosjen e një personi. Rreth orëës 20:20 të mbrëmjes persona të paidentifikuar kanë hyrë në banesën e shtetasit A.Ç. për të grabitur, por ata janë pikasur nga pronari dhe kushëriri i tij. Si pasojë autorët kanë qëlluar me armë zjarri, duke plagosur kushëririn e pronarit të banesës A.Ç., rreth 40 vjeç. Policia njofton se ka ngritur pika kontrolli për kapjen e autorëve dhe po mblidhen prova për identifikimin e tyre.
Njoftimi i policisë:
Fier/Informacion paraprak
Sot rreth orës 20:20, në Roskovec, persona të paidentifikuar kanë shkuar për të vjedhur në banesën e shtetasit A. Ç, rreth 65 vjeç, por janë pikasur nga pronari dhe kushëriri i tij. Autorët kanë qëlluar me armë zjarri në drejtim të dy kushërinjve dhe për pasojë ka mbetur i plagosur kushëriri i pronarit të shtëpisë, shtetasi A. Ç, rreth 40 vjeç, i cili ndodhet në spitalin e Fierit nën kujdesin e mjekëve. Nga ana e Policisë janë ngritur pika kontrolli dhe vijon krehja e zonës për të bërë të mundur kapjen e autorëve. Grupi hetimor ndodhet në vendin e ngjarjes dhe vijon punën për fiksimin e çdo prove materiale që do shërbejë për zbardhjen e ngjarjes, identifikimin dhe kapjen e autorëve.
