Ngacmuan vajzat e Ekonomikut/ Plas sherri te godinat e Qytet Studentit, persona të panjohur rrahin studentët

Google+ Pinterest LinkedIn Tumblr +

Një ngjarje e rëndë është regjistruar pasditen e djeshme në një godinë shtetërore të QS, ku për momentin po zhvillojnë mësimin studentët e Fakultetit Ekonomik.

Dy persona janë futur në orën e leksionit dhe kanë ngacmuar pjesën më të madhe të studenteve, shkruan ‘Faxweb’.

Fillimisht nisi si një ngacmim ndaj studenteve, por më pas degjeneroi në përleshje fizike.

Motra e njërit prej studentëve të lënduar ka treguar se dy personat u futën në mësim me pretendimin se i ka dërguar dekani.

Ajo vijon më tej duke thënë, se dy prej djemve nuk kanë duruar dhe kanë ngritur zërin, pasi këta persona kishin filluar të shanin vajzat.

Vajza shton, se jashtë ambienteve studentët janë përballur me një grup prej 20 personash që kanë kaluar direkte në përleshje fizike dhe vëllai i saj ka përfunduar me fraktura.

‘Dy studentë të paidentifikuar kanë hyrë në mesim me pretendimin se janë të dërguar nga dekania, pedagogia i ka lejuar të hyjnë në mësim kanë sharë vajzat, pas mësimit dy vetë nga klasa kanë ngritur zërin ndaj sjelljes së tyre, pasi nuk mund ti duronin më kunjat e tyre.

Kur kanë dalë nga mësimi janë përballur me një grup 20 vetash të cilët kanë kaluar direkt në përleshje fizike,  e vetmja arsye nuk duan të bëhen publike emrat është se kanë frikë mbi pushtetin e personave që fshihen pas tyre.

Një oficer i policisë gjyqësore është shprehur se Policia e shtetit nuk ka përgjegjësi për ngjarjen, pasi Universitetet ruhen nga polici private.

Vëllai im ka qenë në spital gjatë natës, ka dëmtime në kokë dhe në trup, ka fraktura në hundë dhe në vesh, pritet që ti bëjmë skaner, që të shohim nëse ka probleme të brendshme.

Ska pasur asnjë ndërhyrje nga ana e pedagoges, dhe as nga ndonjë person tjetër nga stafi akademik’, deklaron ajo.

Shpërndaje
Share.

Komento