Lëvizjet e shumta nga drejtësia: Lirimi i Endrit Doklet, Sardjan Sulejmani dhe Viktor Ymerit, shëtitja e Dritan Dajtit në Bllok etj., kanë nxitur polemika të shumta.
Së fundmi, shtatë deputetë të opozitës, të drejtuar nga Lefter Maliqi kanë kërkuar interpelancë urgjente me ministren e Drejtësisë Etilda Gjonaj.
Kjo interpelancë ka në fokus kërkimin e llogarisë për situatën në burgje.
Deputetët Lefter Maliqi, Artur Roshi, Andi Përmeti, Ramadan Gjuzi, Koçi Tahiri, Besnik Troplini, Suzana Topi, kërkojnë shpjegime nga Gjonaj për daljen e Dritan Dajtit nga burgu për vizita mjekësore në Tiranë, por dhe për shkarkimet që u bënë një ditë më vonë në IEPV Peqin.
Maliqi dhe 6 deputetët e tjerë në kërkesë kanë bërë pyblike dhe një pyetjet: Si i emëron e shkarkon drejtuesit?
Po ashtu 7 deputetët kërkojnë shpjegimet dhe për lirimet e bujshme që janë bërë në muajt e fundit, ku Endrit Dokle dhe Sardian Sulejmani lanë qelitë, dhe pse mbi supe mbanin dënime deri në 25 vite.
Kërkesa e tyre është depozituar në Kuvend, por ende nuk është caktuar data se kur do zhvillohet interpelanca.
Kujtojmë se Lefter Maliqi më herët ka mbajtur detyrën e zëvendës Drejtorit të Përgjithshëm të Burgjeve.
