Ish-ministrja e Bujqësisë, Milva Ikonomi, ka dhënë prononcimin e parë për media pas emërimit të saj nga kryeministri Edi Rama në një ministri pa portofol, përkatësisht në Ministrinë e Shtetit për Standardet dhe Shërbimet.
Ikonomi është shprehur se ky nuk është një hap pas, përkundrazi është një gjë komplet e re.
“Është një hap tjetër, sepse është një ministri komplet e re, është një gjë komplet e re, kështu që është shumë mirë”, është shprehur ministrja, duke shtuar se “Ka shumë gjëra përpara që duhen bërë mirë, që duhen përmirësuar, që duhen bërë më të performueshme në mënyrë që të gjitha këto gjëra të mëdha që janë përpara që publikut t’i shërbehet dhe shpërblehet më mirë. Kjo do të jetë sfida jonë”.
Kujtojmë se Milva Ekonomi, e cila ka marrë drejtimin e Ministrisë së Bujqësisë, pak a shumë në të njëjtat kushte siç mori drejtimin e Ministrisë së Ekonomisë në vitin 2016. Ekonomi pasoi Arben Ahmetajn, i cili në fundin e vitit 2019 u largua për të marrë ministrinë pa portofol të Rindërtimit. Ekonomi është një nga figurat më të rëndësishme të Partisë Socialiste në vitet e fundit, duke mbajtur role shumë të rëndësishme si në parti, ashtu edhe në Parlament. Së fundi ajo ka qenë në drejtimin e Komisionit të Bujqësisë në Parlament.
