Misionit të Richard Grenell në Ballkan po i vjen fundi, pasi edhe pak e ndan nga përmbushja e qëllimit të tij.
Fillimisht, SHBA donte të arrinte një dakordim mes Kosovës dhe Serbisë, ku kjo e fundit do njihte Pavarësinë e Kosovës, ndërsa në shkëmbim do i hiqej taksa 100%.
Mirëpo, gjërat ndryshuan rrugës.
Fillimish, Grenell takoi krerët e dy vendeve: Thaçi dhe Vuçiç, të cilëve marrëveshjen e sipërme, gjë e cila u mirëprit nga Thaçi, por presidenti serb pati një reagim krejt të kundërt.
Mirëpo, SHBA ndryshoi papritur mendim dhe disa ditë më parë kërkoi që Kosova të heqë taksën madje kërcënoi se do anulonte të gjitha projektet investimeve në Kosovë, derisa qeveria të anulojë taksën kundër mallrave të Serbisë.
Çfarë po përpiqet të bëjë SHBA? Anulon investimet në Kosovë derisa të hiqet taksa ndaj Serbisë
I gjetur nën presion, Kurti u shpreh i gatshëm për ta hequr taksën pavarësisht nëse Beogradi zyrtar kërkon apo jo falje për genocidin në Kosovë, megjithatë deri më tani nuk është arritur asnjë marrëveshje.
Shumë e vendosura në qëllimin e saj , SHBA e rriti presionin ndaj qeverisë së Kosovës për heqjen e taksës ndaj mallrave serbe.
Ambasadori i SHBA-së, Philip Kosnett, disa ditë më parë i tha kryeministrit Kurti se SHBA po shqyrton edhe mundësinë e heqjes së trupave të saj nga Kosova, nëse nuk hiqet taksa ndaj Serbisë.
Heqja e taksës për Serbinë. Presioni i SHBA ndaj Kosovës arrin kulmin, ja me çfarë e ‘kërcënon’
Prej disa muajsh është spekuluar se amerikanët po shqyrtojnë heqjen e kampit ‘Bondsteel’ nga Kosova – nëse lidershipi politik i saj vazhdon të mos-bindet ndaj sugjerimeve ndërkombëtare për heqjen e taksës.
Së fundmi, mediat në Kosovë shkruajnë se Richard Grenell ka thënë se “nuk do presë pafundësisht qeverinë e Kosovës dhe Albin Kurtin për të hequr tarifën 100% ndaj mallrave serbe” dhe “nëse tarifa nuk hiqet deri në fund të kësaj jave, atëherë gjërat mund të përshkallëzohen”.
Pritet që në fundjavë, i dërguari i Trump të shqyrtojë çështjen e tarifave dhe nëse nuk arrin dot një marrëveshje me Kurtin, ai pritet që të ndërmarrë hapa që do të largonin SHBA nga kjo çështje, duke e konsideruar Albin Kurtin si “joserioz për partner të Washingtonit”, çka do bëj që administrate amerikane të ndërmarrë politika të reja përballë Kosovës në të gjitha fushat ku ka patur bashkëpunim deri tani.
Tarifa ndaj mallrave serbe u vendos nga qeveria e Ramush Haradinajt, i cili pas zgjedhjes së Kurtit si kryeministër i ri i Kosovës i shkroi atij një letër ku i lutej të mos e hiqte taksën.
Nga ana tjetër, ditën e sotme, kreu i qeverisë në Kosovë ka kërkuar nga kryeprokurori i shtetit, Aleksandër Lumezi të kryej hetime për presidentin Hashim Thaçin, lidhur me një marrëveshje që ai si kryeministër e kishte nënshkruar me sekretarin e përgjithshëm të atëhershëm të NATO-s, Anders Fogh Rasmussen.
