Nënvarianti Ba2 i Omicron është konfirmuar dje edhe në vendin tonë. Mjeku Artan Simaku shprehet se prania e variantit BA2 pritet të bëhet dominuese në javët në vijim.
“Sot kanë ardhur përgjigjet nga laboratori i referencës dhe ashtu siç pritej është konfirmuar prania e variantit BA2 të Omicron, pro mbizotëron varianti BA1 dhe një pjesë rreth 8.3 % janë me variantin BA2. Parashikohet që në javët në vijim ky variant të bëhet variant domionues ashtu siç ka ndodhur dhe në shtete e tjera të kontinenti Evropian dhe në vendet e rajonit”, ka thënë mjeku Simaku.
Ndërkohë që i pyetur për origjinën e mostrave që u dërguan për analizë, mjeku tha se ishin të pacientëve të shtruar në spital dhe paciantëve ambulatorë.
Sipas epidemiologut Artan Simaku, studimet e deritanishme tregojnë se varianti i ri BA.2, ka transmetueshmëri më të madhe se sa Omicron.
“Mostrat ishin të pacientë të shtruar në spital dhe të pacientëve ambulatorë. Ajo që është e rëndësishme që prezenca e tij është gjetur në disa rrethe të vendit dhe për shkak të transmetueshmërisë më të lartë se Omicron parashikohet që në javën në vijim të bëhet dominues”, u shpreh Simaku.
Theksojmë se prej disa javësh tashmë, specialistët kishin dyshime për qarkullimin e një varianti tjetër të koronavirusit, edhe më të transmetueshëm se Omicron, pasi ditët e fundit infektimet filluan sërish të rriten ndjeshëm.
