Një 52-vjeçar nga Mati u vetëvra aksidentalisht ditën e djeshme, ndërsa pastronte armën.
Policia shkoi menjëherë në shtëpinë e Mark Nikollit, por nuk gjeti asnjë armë zjarri.
Pas verifikimeve rezultoi se pistoleta ishte fshehur nga nëna e tij, shkruan “Panorama”.
Viktima e mbante armën e zjarrit pa leje, ndërsa tërheqja e këmbëzës ka bërë që plumbi të shkojë drejt e në zemër.
Nëna dhe gruaja e tij, gjetën një mënyrë për ta dërguar në spital, ndërsa fshehën edhe armën.
Pas kërkimeve, policia gjeti armën e fshehur, e cila tashmë ndodhet në laboratorin e kriminalistikës.
Deri më tani nuk dihen rrethanat e ngjarjes, si dhe ende nuk është e qartë, nëse 52-vjeçari kishte konsumuar alkool në momentin e ngjarjes.
