Mbrëmjen e djeshme në emisionin “Le Iene” në Itali, u trajtua historia e një fëmije shqiptar, që u dërgua nga Italia në Siri, nga nëna e tij.
I mituri u gjet i gjallë në një kamp në Siri dhe i ati arriti ta takonte falë përpjekjeve të emisionit.
Alvini i vogël ka lindur në Itali, por është me nënshtetësi shqiptare, por pa një përfaqësues diplomatik nga Tirana, ai nuk mund ta lërë kampin.
Fëmija i lindur në Itali 11 vite më parë, u mor një ditë nga nëna, e cila vendosi t’i bashkohej ISIS.
Që nga ajo ditë, i ati, nuk ka mundur dot ta takojë.
Për nënën e tij thuhet se dikush i mbushi mendjen që të largohej, pasi familja shqiptare me tre fëmijë, bënin një jetë normale.
Alvin ishte vetëm 6 vjeç kur iku në Siri.
Babai i tij tregon se një ditë mori një letër që thoshte se ishte nga i biri, i cili kërkonte që ta kthente në shtëpi.
Valbona Berisha udhëtoi nga aeroporti i Bergamos, më pas ndaloi në Turqi dhe në fund mbërriti në Siri.
Autoritetet italiane po mundohen të kapin GPS e celularit të saj, për të zbardhur rrugëtimin në Siri.
Emisioni munësoi pak ditë më parë udhëtimin e babait shqiptar në kampin “Al-hol” në Siri, ku mbahen 70 mijë persona, 90% e të cilëve gra dhe fëmijë.
Prej 5 vitesh babai Afrim Berisha nuk reshti duke kërkuar djalin e tij, prej të cilit ka marrë vetëm një letër në të cilën djali i shkruante se e kishte marrë malli dhe donte të kthehej pranë babait. Gazetarët e
Ky kamp ndodhet në një zonë të rrezikshme, pasi është bërë objekt i fushatës ushtarake të Turqisë në verilindje të Sirisë.
Videon e plotë mund ta shihni këtu.
