Ditën e sotme presidenti Ilir Meta u është përgjur shumë pyetjeve të gazetarëve gjatë konferencës për shtyp. Një pyetje që e ka trazuar presidentin Meta, u drejtua nga gazetari Thimi Samarxhiut nga “Vizion Plus”.
Pyetja e gazetarit ishte nëse po bëhej qesharak presidenti dhe nëse po përdorte politikën për interesat e tij.
“Duke parë diskursin tuaj, si qytetar i këtij vendi, a mos po bëheni qesharak dhe ju dhe politika për shkak të interesave tuaja? Kujtoni 2 korrikun e 1990-ën?”, ishte kjo pyetja e drejtuar nga gazetari i “Vizion Plus”.
Nga ana tjetër, Meta e pyeti se cili ishte drejtori i informacionit dhe programacionit të këtij televizioni, por teksa gazetari nguroi të jepte përgjigje, të tjerë kolegë bënë me dije se është Sokol Balla.
E mënjëhershme ishte përgjigja e Presidentit, i cili tha se nuk ka në plan të lërë Shqipërinë të digjet për hallin e nënës së fëmijëve të Sokol Ballës, pasi kujtoi që ajo punon në qeveri.
Kaq mjaftoi që një përplasje të krijohej midis gazetarit Soklol Balla dhe presidentit Ilir Meta. Gazetari ka reaguar nëpërmjet një postimi në rrjetin social Instagram, ku madje edhe ka publikuar një foto të tijën me Ilir Metën në vitin 2002.
Balla thotë se Meta sot e kërcënoi, dhe se e pret në studio të enjten dhe në çdo orë tjetër, qoftë edhe në 5 të mëngjesit.
“Me Ilir Meten ne Kremlin ne 2002, kur ishte zevendeskryeminister ? Sot Presidenti @ilirmeta.faqjazyrtare me sulmoi e kercenoi mua dhe femijet e mi. Por dhe me sfidoi per te ardhur ne emision dhe te perballej me te verteten sipas tij dhe te verteten sipas meje. Ilir! Te pres te enjten ne ora 21 ne #realstory ne @vizionplus. Balle per Balle.Gjithsesi oren zgjidhe vete. Qofte dhe ne 5 te mengjesit”.-shkruan Balla.
