Disa ditë më parë, gjatë raportimit në mbledhjen online të Komisionit të Sigurisë, kreu i Policisë së Shtetit, Ardi Veliu Veliu tregoi një video në nënës së 15-vjeçarit të dhunuar nga efektivët e policisë.
Në video dukej Zaida Çobo, e cila mbante një pistoletë në dorë.
Ardi Veliu i pyetur nga gazetarët bëri publike videon, duke i kërkuar opinionit të gjykonin djalin e dhunuar, duke u nisur nga familja që kishte.
Ditën e sotme mësohet se Çobo ka paditur Drejtorin e Përgjithshëm të Policisë së Shtetit, Ardi Veliun.
Sipas “Balkan ëeb”, nëna e 15-vjeçarit të dhunuar ka ngritur padi me akuzën “cënimin e imazhit të saj”.
Kujtojmë se pak ditë më parë, Veliu nxori videon e gruas që mbante një pistoletë në dorë, por pak më vonë, rezultoi se Ziada Çobo ishte aktore dhe se pistoletën e kishte mbajtur gjatë një roli.
Aktorja kërkon tashmë si dëmshmërblim 1 milion lekë (të reja).
E ndërsa ditën e djeshme, kryeministri Rama tha se kryepolici Veliu ka gabuar, por çështja është e mbyllur pas ndjesës së tij publike.
Kreu i qeverisë u shpreh se Veliu ka një figurë të vlerësuar për integritetin moral dhe profesionalizimin, dhe se i beson ndjesës së tij.
“Ka gabuar, por jam më i prirur t’i besoj ndjesës së tij publike dhe sqarimit që ai dha, se sa moralistëve të këtij vendi.
Është fare e qartë se nuk ishte një përpjekje për të justifikuar dhunën, sepse punonjësi i policisë për të cilin flitet është pezulluar menjëherë dhe është çuar në ndjekje penale.
Ishte një përpjekje e keqshpjeguar, për të thënë që dhe familja ka përgjegjësinë dhe rolin e vet në mirëedukimin e brezit të ri”, u shpreh ditën e djeshme kryeministri Rama.
