fbpx

Negociatat/ Di Maio: Italia dhe Rumania ndajnë të njëjtat vizione për zgjerimin e BE-së

Google+ Pinterest LinkedIn Tumblr +

Ministri i Jashtëm italian, Luigi Di Maio pas një takimi të zhvilluar ditën e sotme me homologun e tij rumun, Bogdano Aurescu  u shpreh se Italia dhe Rumania ndajnë të njëjtin vizion për zgjerimin e Bashkimit Evropian.

Më tej ai ka shtuar se ata janë dakord për miratimin e kornizave negociuse me Shqipërinë dhe Maqedoninë e Veriut. Shefi i diplomacisë italiane ka shtuar se e gjithë kjo bëhet për të ruajtur besueshmërinë, për një proces themelor për stabilitetin dhe zhvillimin e një rajoni shumë pranë nesh.

“Perspektiva e integrimit europian përfshin të gjithë zonën të Ballkanit Perëndimor. Ne jemi dakord për miratimin e kornizave negociuese me Shqipërinë dhe Maqedoninë e Veriut sa më shpejt të jetë e mundur si edhe për ecjen përpara edhe të Serbisë dhe Malit të Zi.Padyshim, nga të dy palët duhet të ketë vullnet për të çuar përpara objektivat e përcaktuar”, përfundoi ministri italian.

Kujtojmë se Shqipërisë dhe Maqedonisë së Veriut i është shtyrë disa herë pranimi në Bashkimin Evropian dhe kjo për shkak të mos përmbushjes së kushteve të vendosura nga BE. Komiteti i Përfaqësuesve të Përhershëm (Coreper), përcakton marsin e vitit të ardhshëm si kohë kur do të diskutohet për hapjen ose jo të negociatave me Shqipërinë dhe Maqedoninë e Veriut, vendim, i cili u shtyrë serish në një afat të pacaktuar. Kushtet që i janë vendosur vendit tonë për të plotësuar dhe Evropa që ende nuk ka unifikim për çështjen e zgjerimit.

 

Shpërndaje
Share.

Komento