Procesi i vaksinimit po vazhdon në Shqipëri me ritme shumë të ngadalta, teksa janë të paktë mjekët që kanë arritur ta marrin vaksinën. Ende nuk ka shifra të sakta të bëra publike se sa mjekë janë vaksinuar, por sado që të jenë, procesi nuk është i barabartë për të gjithë punonjësit e shëndetësisë. Mjekët që punojnë në spitale private nuk duket se do marrin vaksinën së afërmi, ndërsa për këtë ka reaguar edhe mjekja e spitalit Amerikan, Lida Shosha.
Ajo ka thënë se mjekët e privatit kanë shërbyer nonstop, në një kohë kur pavionet e spitaleve shtetërore ishin mbyllur. Në një psotim në rrjetet sociale, ajo bënë me dije se vetë e ka kaluar virusin, ndryshe nuk priste që të vaksinohej, ndërkohë që qeveria mendon vetëm për të bërë foto propagande.
Postimi i plotë:
Po mjekët dhe stafi mjekësor i spitaleve private të Tiranës, kur do vaksinohen ?
Apo ne shesim domate. Jemi punonjes te shëndetësise, te licensuar konform regullave e ligjeve te shtetit shqiptar, si gjithë te tjerët. Paguajmë siguracionet, taksat, detyrimet , tatimet një më një, deri tek taksa per barin jeshil qe se shohim gjëkundi e cfarë u teket qeveritarëve. Zonja ministre, ne kemi shërbyer nonstop, pa mbyll spitalet asnjë ditë, mes covidit, dhe kemi zgjidhur gjithcka kur pavionet tuaja ishin mbyll vec infektivit, QSUT u infektua, e mjekët i cove në shtëpi. Ngarkesa dërrmuese është në Tiranë , ku vijnë pacientët nga gjithë Shqipëria e Kosova. Kur ju deshën spitalet, ju ofrua gjithcka, tani ca te nënës e ca te njerkës. Janë me mijëra qytetarë që kanë marë shërbime te urgjencave nga me madhoret kirurgjikale e jo kirurgjikale e deri ne konsultat ambulatore multidisiplinare. Shyqyr qe na zuri dhe e kaluam,si unë si pjesa dërrmuese e stafit, se sinqerisht nga ju,presim vec foto me stetoskop ne dore, nga malet me dëborë. E zhgënjyer.
