Policia italiane arrestoi dje në Mantova një 39-vjeçar shqiptar, për të cilin prokuroria kishte lëshuar urdhër-arresti.
Shqiptari akuzohet për grabitje të dhunshme, ndërsa është denoncuar edhe për drejtim mjeti pa patentë.
Në janar të 2014-ës, 39-vjeçari së bashku me grupin e tij, u kapën në flagrancë duke vjedhur në një apartament në Porto Mantovano.
Pronari i apartamentit njofton menjëherë policinë, e cila vihet në ndjekje të shqiptarëve.
Këto të fundit, sapo panë policinë, u larguan menjëherë nga vendngjarja me një mjet tip “Opel Astra”.
Pas një ndjekjeje të gjatë, policia bllokon makinën ku ndodheshin 3 shqiptarët, por shoferi mundi të arratisej.
Gjatë kontrolleve në makinë, agjentët gjetën sendet e vjedhura si byzylykë, varëse, dhe ora.
Ndërkohë shqiptari i arrestuar ditën e djeshme, ndodhet në burgun e Mantovas dhe do të vuajë një dënim prej 4 vitesh.
Më pas ai do të deportohet drejt Shqipërisë nga zyra e emigracionit.
