Autoritetet italianë janë vënë në kërkim të dy shqiptarëve, Bardhyl Hoxha dhe Bujar Hysa.
Shqiptarët konsiderohen persona të rrezikshëm dhe dyshohet se po përgatisin një sulm terrorist si ai i nëntorit të 2015-ës në Paris.
Në një lidhje telefonike me ‘Ora News’, Hoxha ka mohuar akuzat për terrorizëm.
Aktualisht ai banon në Francë dhe thotë se është gati t’i përgjigjet policisë, për të sqaruar pozicionin e tij.
“Nuk kam lidhje fare me terrorizëm. Mi kanë bërë falso. Unë kam 18 vite në Francë me gjithë fëmijët jam me të gjithë njerëzit e mi këtu. Këtu nuk kam asnjë lloj problemi, le pastaj të jem i lidhur me terrorizmin”, tha Hoxha.
Më tej Hoxha ka shtuar se këtë akuzë ia ka sajuar dikush nga Shqipëria, i cili ka paguar lekë.
“Janë akuza false që mi ka bërë një person nga Shqipëria. Ka paguar lekë, vijon ai.
Shqiptari ka rrëfyer edhe një problem ligjor që ka pasur me drejtësinë italianë, të cilin e ka zgjidhur.
“Kam qenë në Itali, kam pasur probleme. Jam paraqitur në Francë. Pastaj jam ekstraduar dhe më kanë kthyer në Itali ku për 3 muaj më mbajtën në burg. Bëra burgun. Dola në gjyq dhe dola i pastër”, tregon Hoxha.
Ndërkohë ai ka mohuar të gjitha lidhjet me Bujar Hysën, të shpallurin tjetër në kërkim nga policia italiane.
“Bujar Hysa? Hera e parë që po e dëgjoj këtë emër. As uk e njoh dhe as nuk kam pasur lidhje me këtë person. I paraqitem policisë me vullnet sic i jam paraqitur herën e parë”, përfundon Hoxha.
