Vrasja e gjeneralit iranian, Qasem Soleimani, ka shkaktuar trazime në mbarë botën.
Njerëzit në rrjetet sociale, por jo vetëm, mendojnë se jemi në prag të Luftës së Tretë Botërore.
Irani ka paralajmëruar se do hakmerret për vrasjen e Soleiman.
Mirëpo, në gjithë këtë situatë duket se Presidenti i SHBA, Donald Trump, është më i qeti.
Së fundmi, ai ka reaguar në rrjetet sociale lidhur me kërcënimet e Iranit.
Trump ka thënë se nëse Irani i sulmon, SHBA do kundërpërgjigjet më keq.
Sipas tij, Shtetet e Bashkuara kanë shpenzuar dy trilion dollarë në pajisje ushtarake.
Donald Trump nuk i kurseu superlativat kur tha se ” Ne jemi më të mëdhenjtë dhe deri tani më të mirët në botë!”
“Ata na sulmuan dhe ne kundërvepruam. Nëse ata sulmojnë përsëri, ne do t’i godasim më shumë. Shtetet e Bashkuara sapo kanë shpenzuar dy trilion dollarë në pajisje ushtárake. Ne jemi më të mëdhenjtë dhe deri tani më të mirët në botë! Nëse Irani sulmon një bazë amerikane, ose ndonjë bazë amerikane, ne do të dërgojmë disa nga ato pajisje të reja të mrekullueshme, dhe pa hezitim!”, shkruan Presidenti Trump.
Soleimani ka qenë komandant i njësisë elitare Quds, ndërsa njihej në opinionin si njeriu i dytë më i fuqishëm në Iran.
Pasi e lokalizoi në aeroportin ndërkombëtar të Bagdadit, ushtria amerikane kreu një sulm ajror me dron duke lënë të vdekur edhe disa zyrtarë tjerë ushtarakë të Iranit.
