Në hapat e Italisë: Rritet drastikisht numri i viktimave në Spanjë, ja sa ka shkuar numri i të infektuarve

Pas Italisë, Spanja është vendi i dytë në Europë me bilancin më drastik të të infektuarve dhe viktimave nga Coronavirusi.

Vetëm në 24 orët e fundit janë shënuar 462 viktima nga COVID-19, duke e çuar në 2182 numrin e përgjithshëm të personave që kanë humbur jetën deri më tani, teksa mbi 33 mijë persona janë infektuar, nga të cilët vijojnë të jenë në kujdes intensiv 2355 persona.

Drejtor i Qendrës Spanjolle Koordinuese për alarmet e shëndetit dhe emergjencave, Fernando Simón është shprehur se numri i i pacientëve të shëruar ka arritur në 3,355, që tani përfaqëson 10% të të gjitha rasteve.

87 % e viktimave janë të moshuarit të moshës mbi 70 vjeç, ndërkohë në vendin tonë mosha mesatare e të infektuarve është 48 vjeç.

Sakaq, në Itali janë regjistruar në total 5,476 viktima dhe 59,138 të infektuar, ndërsa në nivel global 15,420 njerëz kanë ndërruar jetën dhe janë 354,000 infektuar.