Saimir Tahiri u vu nën hetim nëntorin e vitit 2017, pasi autoritetet italiane goditën organizatën e vëllezërve Habilaj. Sot, që prej mëngjesit e deri tani, Tahiri u përballë me Gjykatën e Posaçme të Apelit kundër Korrupsionit dhe Krimit të Organizuar. SPAK a kërkuar dënimin me 12 vite burg për ish-ministrin dhe ish-drejtorin e Policisë së Vlorës, Jaeld Çelën, por sot e ka dënuar me 3 vite e katër muaj burg.
E ndonëse nuk e dënoi me 12 vite burg, pritet që tani Tahiri të dëshmojë dhe të tregojë ‘shokët’ e tij me të cilët ka qenë bashkëpunëtor në afera të mëdha.
Për shkak të gjykimit të shkurtuar, ky dënim zbret në 8 vite burg për të dy ish-zyrtarët për lidhjet e dyshuara me të ashtuquajturin “Grupi i Habilajve”, vëllezërit e akuzuar për trafik të sasive të mëdha të marijuanës nga Shqipëria drejt Italisë.
Sipas prokurorisë, Tahiri dhe i bashkëpandehuri i tij, Jaeld Çela, kanë garantuar grupin e “Habilajve” në trafikun e sasive të mëdha të kanabisit nga Shqipëria në Itali. Por Tahiri pretendonte se nuk qëndron asnjë prej akuzave të ngritura kundër tij, duke thënë se nuk ka pasur asnjë kontakt me anëtarët e grupit të Habilajve.
Gjykata e Shkallës së Parë nuk pranoi ta deklaronte fajtor për këto akuza, por e dënoi për veprën penale të shpërdorimit të detyrës, duke e dënuar me 3 vite e 6 muaj burg, vendim që u konvertua në 3 vite shërbim prove.
