Tirana International Airoport me anë të një njoftimi zyrtar në faqen e saj ka lajmëruar të gjithë qytetarët që duan të udhëtojnë drejt Belgjikës për rregullat e reja që janë ndryshuar. Të gjithë personat që udhëtojnë nga Tirana International Airport drejt Belgjikës dhe që nuk janë rezident në Belgjikë duhet të kenë me vete Certifikatën e vaksinimit ose testin PCR, gjithashtu të gjithë këta persona duhet të testohen përsëri në ditën e shtatë. Të përjashtuar nga këto rregulla janë vetëm fëmijët nën moshën 12-vjeçar që përjashtohen nga testet molekulare. Në rishikimin dhe marrjen e masave të reja për rregullat e udhëtimeve në shtete të ndryshme duket se ka ndikuar edhe përhapja në masë e variantit Delta, i cili ka rritur edhe numrin e të infektuarve dhe rasteve ditore në vendin tonë.
Njoftimi nga Aeroporti
Në vëmendje të pasagjerëve që udhëtojnë nga Tirana International Airport drejt Belgjikës
Të gjithë përsonat që udhëtojnë nga Tirana International Airport drejt Belgjikës dhe që nuk janë rezident në Belgjikë duhet:
- Të jenë të pajisur me Çertifikatën e Vaksinës ose Testin PCR
- Të testohen përsëri në ditën e 7
- Të paraqesin provë të kalimit të infeksionit Sars-Cov2, e vlefshme deri në 6 muaj pas shërimit.
Të gjithë përsonat që udhëtojnë nga Tirana International Airport drejt Belgjikës dhe janë rezident Belgjikë duhet:
- Të testohen në ditën e parë ose të dytë.
- Të testohen përsëri në ditën e 7
- Të paraqesin provë të kalimit të infeksionit Sars-Cov2, e vlefshme deri në 6 muaj pas shërimit.
Fëmijët nën moshën 12 vjeç përjashtohen nga detyrimi i testit molekular.
