Mbledhja e sotme kabinetit qeverisës ka nisur me dy emra të rinj në Ministrinë e Drejtësisë.
Mësohet se me vendim të Këshillit të Ministrave janë emëruar sot dy zëvendës ministrat e rinj të ministrisë së Drejtësisë, Klajd Karameta dhe Adea Pirdeni. Të dy do të mbajnë postin e zv.ministrave të Drejtësisë, duke zëvëndësuar në detyrë Toni Gogun ish-zv.ministër i larguar prej kohësh nga ky post,dhe Fjoralba Cakën e cila dha dorëheqjen në muajin korrik 2020.
Vendimi ka kaluar në takimin e sotëm dhe në mungesë të kryeministrit Edi Rama janë firmosur nga zëvënësi i tij, Erion Braçe.
V E N D I M PËR EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Z. Klajd Karameta emërohet zëvendësministër i Drejtësisë.
Ky vendim hyn në fuqi menjëherë.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
ERION BRAÇE
***
V E N D I M PËR EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Znj. Adea Pirdeni emërohet zëvendësministër i Drejtësisë.
Ky vendim hyn në fuqi menjëherë.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
ERION BRAÇE
