Ndotja e ajrit/ Qyteti evropian ndalon cigaren, ja në çfarë vendesh publike nuk mund të pihet!

Google+ Pinterest LinkedIn Tumblr +

Shifrat e larta të infektimeve nga covid-19 si dhe cilësia e ulët e ajrit, kanë detyruar autoritetet italiane për të shtrënguar masat.

Sipas vendimit të Bashkisë, duke nisur nga e marta e 19 janarit, askush në Milano nuk do të mund të konsumojë cigare në parqe, stacione tramvaji dhe stadium kur ato të hapen, nëse nuk do të ketë një distancë të sigurt prej dhjetë metrash nga njerëzit e tjerë.

Nga nesër policia bashkiake e Milanos, do të marrë shënimin e ndalimit të ri, por pa masën e sanksionimit të shkelësve.

Me pak fjalë, do të jetë më shumë një paralajmërim sesa një ndalim dhe do të jetë një fushatë për të nxitur milanezët të harrojnë cigaren,  të paktën në vendet e konsideruara si më të ndjeshme.

Në realitet, vendimi i miratuar nëntorin e kaluar me rregulloren komunale për cilësinë e ajrit duhet të kishte hyrë në fuqi më 1 janar. Mirëpo për arsye administrative-burokratike, fillimi i ndalimit u shty për 19 janar.

Kujtojmë se Italia është një prej vendeve më të goditura evropiane nga pandemia e covid-19. Gjatë valës së parë të pandemisë, shifrat e viktimave dhe rasteve me covid ishin drastike duke tejkaluar pothuajse edhe kapacitetet spitalore në shumicën e vendeve.

Tashmë alarmi është edhe për shkak të variantit të ri të koronavirusit, i cili u zbulua fillimisht në Britaninë e Madhe, i cili është disa herë më transmetues se sa virusi ekzistent./Gazetareforma.com/

Shpërndaje
Share.

Komento