Zgjerimi i Greqisë me 12 milje, ministri rus Lavrov: Vendim ligjor, çdo shtet ka të drejtë…

Google+ Pinterest LinkedIn Tumblr +

Ministri i Jashtëm rus, Sergei Lavrov, ditën e sotme gjatë një konference për shtyp, i ka dërguar mesazhe mbështetëse Greqisë, disa ditë para se kjo e fundit të nisë kontaktet eksploruese me Turqinë.

“Rusia ka marrëdhënie shumë të ngrohta, e të ngushta dhe lidhje shpirtërore me Greqinë dhe Qipron”, tha Ministri i Jashtëm rus.

Ndër të tjera Lavrov ka deklaruar se zgjerimi i Greqisë me 12 miljet det ishte një e drejtë që i përkiste vendit, duke shtuar se ishte një vendim krejtësisht ligjor.

“Kur Greqia njoftoi se po zgjeronte zonën bregdetare, ne thamë saktësisht këtë: është një vendim plotësisht ligjor. Është një gjë tjetër, kur ujërat territoriale të përcaktuara nga një shtet janë në kundërshtim me interesat e një shteti fqinj.

Nëse këto interesat janë të ligjshme sipas Konventës për Ligjin e Detit, është e nevojshme të kërkohen zgjidhje përmes dialogut dhe ekuilibrit të interesave”, është shprehur Lavrov.

Sipas medias helene “Greekcitytimes”, Lavrov ka bërë thirrje që të gjitha problemet që lidhen me Zonat Ekskluzive Ekonomike të Greqisë dhe Qipros të zgjidhen përmes dialogut dhe kompromisit.

“Ne bëjmë thirrje aktive që të gjitha problemet që lidhen me Zonat Ekskluzive Ekonomike të Greqisë dhe Qipros të zgjidhen përmes dialogut”, ka shtuar Lavrov./Gazetareforma.com/

Shpërndaje
Share.

Komento