Ndotja e ajrit gjatë vitit 2019 duket se ka qenë shkaktari kreysor i vdekjes së parakoshme për gjysmë milion foshnje në të gjithë botën.
Sipas raportit të fundit për gjendjen globale të ajrit thuhet se cilësia e dobët e ajrit shkakton dy të tretat e viktimave si edhe ndikon në shëndet.
Ekspozimi ndaj ndotësve të ajrit është i dëmshëm po ashtu edhe për bebet në barkun e nënës. Ai mund të shkaktojë lindje të parakohëshme ose peshë të vogël në lindje. Të dy këta faktorë janë të lidhur me vdekshmërinë e lartë foshnjore. Rreth dy të tretat e 500 mijë vdekjeve mes foshnjave, të dokumentuara, janë të lidhura me ajrin e ndotur në ambjente të brendshme, veçanërisht si pasojë e karburanteve të forta si qymyri.
Dihej prej kohësh se ajri i ndotur ndikon shumë tek të moshairut dhe ata me sëmundje kronike, por duket se një ndikim të madh ka edhe te foshnjat e pa lindura.
“Ne nuk e kuptojmë plotësisht se çfarë mekanizmash veprojnë në këtë fazë, por ndodh dicka që shkakton reduktim të rritjes së bebes dhe peshë të vogël. Ka një lidhje epidemiologjike që shihet në vende të ndryshme dhe studime të shumta”, thotë Katherine Walker, shkencëtare në institutin Health Effects që ka publikuar raportin.
Foshnjat e lindura me peshë të vogël janë më të ndjeshëm ndaj infeksioneve dhe pneumonisë. Mushkëritë e foshnjeve të lindura para kohe po ashtu janë jo plotësisht të zhvilluara. Ndërkohë, në total, të paktën 6.7 milionë viktima në të gjithë globin janë shkaktuar në 2019 si pasojë e ekspozimit afatgjatë ndaj ajrit të ndotur.
