Ditën e sotme maturantët kanë zhvilluar provimin e tyre të tretë, atë të matematikës.
Por, teza e matematikës së maturës shtetërore 2023, është publikuar në rrjetet sociale, 20 minuta para se provimi të niste.
Provimi është publikuar në rrjete sociale nga faqja “Studentët Denoncojnë” për të tretën herë radhazi brenda kësaj mature.
Kujtojmë që ministrja e Arsimit Evis Kushi ka reaguar më herët në lidhje me këtë fenomen që ka ndodhur në çdo provim të ‘Maturës 2023’. Ministrja ka thënë se faji është i teknologjisë së përparuar dhe se pavarësisht se janë marrë të gjitha masat, teza doli edhe këtë vit. Ajo thekson që talja e tezës së testit nuk përbë nndonjë diferencë midis maturantëve apo ulje ulje të cilësisë së provimit apo korrigjimit.
“Kemi marrë të gjitha masat por teknologjia është përmirësuar dhe është e vështirë që në kaq shumë të mos shpëtojë ndonjëri”, tha Kushi.
Sipas saj “Testi që del nga brenda jashtë kjo nuk shkakton një diferencim të maturantëve apo ulje të cilësisë së provimit apo korrigjimit. Ne do marrim masa dhe për këtë por ju siguroj që është shumë e vështirë, është tepër e vështirë sot teknologjia ka arritur atje sa ne as nuk i parashikojmë dot se ku mund të ketë ndonjë mësues apo maturantë ndonjë aparaturë që fotografon testin”.
