Olsi Hajdari ka folur për herë të parë pas ngjarjes së rëndë, që i mori jetën bashkëshortes së tij.
Sipas 27-vjeçarit, pasi kishte darkuar me prindërit dhe bashkëshorten, kishin shkuar në dhomën e gjumit.
Duke qenë se ishte ftohtë ata kishin ndezur mangallin dhe më pas i kishte zënë gjumi.
Më pas ai shprehet se nuk kujton më asgjë.
Varianti i Olsit është konfirmuar edhe nga Mjekësia Ligjore.
Për “Gazetën Shqiptare”, ata janë shprehur se helmimi ka ardhur nga monoksidi i karbonit.
Mirëpo familjarët e Rezartës nuk janë të bindur nga ky version.
Ata pretendojnë se Rezarta është helmuar dhe kanë bërë denoncim në polici.
.“Nuk pranoj njerëzit e Olsit të më vijnë në shtëpi. Ata më helmuan motrën . Të hetohet e vërteta. Po shkojmë në polici. Fola me Olsin. E pyeta çfarë i bëtë motrës time, me tha nuk mbaj mend asgjë, ne morën mangallin dhe fjetëm” tha vëllai i Rezartës, Reshit Xibrraku.
