Kompanitë farmaceutike amerikane Pfizer dhe BioNTech kanë bërë me dije se ditën e djeshme se kanë pësuar një sulm kibernetik që kanë të bëjnë me zhvillimin e vaksinës.
Agjencia Evropiane për Mjekimet (EMA), e cila vlerëson ilaçet dhe vaksinat për Bashkimin Evropian, tha se ishte bërë objekt i një sulmi kibernetik, por pa dhënë detaje të mëtejshme.
Kompanitë Pfizer dhe BioNTech thanë se nuk besojnë të jenë kompromentuar të dhënat personale të pjesëmarrësve në prova dhe se EMA “ka ofruar garanci se sulmi nuk do të ndikojë tek koha për dhënien e vlerësimit për vaksinën”.
Vaksina Pfizer-BioNTech është ndër pretendentët kryesorë në një garë globale për të mposhtur Covid-19. Pfizer tashmë po jepet në Britani, e cila javën e kaluar miratoi vaksinën për përdorim emergjent.
Ndërkohë vaksina është ende duke u studiuar nga Bashkimi Evropian.
Përpjekjet e piraterisë kibernetike kundër institucioneve të kujdesit shëndetësor dhe mjekësor janë intensifikuar gjatë pandemisë Covid-19 ndërsa sulmuesit, duke filluar nga spiunët e mbështetur nga shteti dhe deri te kriminelët kibernetikë, përpiqen të marrin informacion.
Agjencia e lajmeve Reuters ka raportuar më parë në lidhje me akuzat se hakera të lidhur me Korenë e Veriut, Korenë e Jugut, Iranin, Vietnamin, Kinën dhe Rusinë janë përpjekur në raste të veçanta të vjedhin informacione në lidhje me virusin dhe kurat e mundshme.
Po ashtu kjo media ka dokumentuar se fushatat e spiunazhit kishin në shënjestër një mori kompanish farmaceutike dhe të zhvillimit të vaksinave duke përfshirë Gilead, Johnson & Johnson, Novax dhe Moderna. Agjencitë rregullatore dhe organizatat ndërkombëtare si Organizata Botërore e Shëndetësisë gjithashtu janë sulmuar vazhdimisht./Gazetareforma.com/
