Aneta Rama ndërroi jetë sot, në orët e para të mëngjesit, në moshën 82 vjeçare. Nëna e kryeministrit vuante nga një sëmundje e rëndë dhe prej kohësh ishte larguar nga çdo dalje publike.
Mësohet se në çastet e fundit te jetës, ajo ka patur pranë nipin e madh, Greg Ramën, si dhe nusen e djalit, Linda Rama.
Ata kanë qëndruar me të ndjerën deri në momentet e fundit.
Aneta Rama (Koleka), lindi në fshatin Vuno të Himarës dhe ishte mbesë e Spiro Kolekës, ish-anëtar i Byrosë Politike të Partisë së Punës së Shqipërisë gjatë periudhës së diktaturës komuniste.
Ajo u martua me skulptorin Kristaq Rama dhe kishte dy djem, Edi dhe Olsi Rama.
