Napoli merr lajmin e papritur! Fabian Ruiz rezulton pozitiv në testin e Covid-19

Google+ Pinterest LinkedIn Tumblr +

Tjetër lajm i keq për Napolin. Futbollisti Fabian Ruiz ka rezultuar pozitiv për tamponin e Covid dhe tani do të duhet të fillojë karantinën e tij (të cilën po e ndjek gjithashtu sulmuesin Victor Osimhen, i cili tani është ndaluar për 17 ditë).

Një mungesë tjetër e rëndësishme për trajnerin Gattuso është ajo e mesfushorit spanjoll, i cili me siguri do të humbasë Super Kupën me Juventusin të Mërkurën e ardhshme, çerekfinalet e Kupës së Italisë (kundër fituesit të Roma-Spezia) dhe të paktën disa raunde kampionati.

Ndërkohë, ASL Napoli1 ka kërkuar të kryejë tampona të tjerë gjatë natës rezultati i të cilave do të mbërrijë nesër në mëngjes. Napoli mori masa paraprake duke paralajmëruar ekipin. Napoli e luan në shtëpi takimin e radhës në kampionat. Ekipi i Gennaro Gattusos pret Fiorentinën në “Diego Armando Maradona” nesër, takim që nis prej orës 12:30, por duket se mungesat do vënë në vështirësi ekipin e Gattussos.

Lajmin e infektimit me Covid-19 e bëri vetë të ditur Ruiz me anë të një postimi në Instagram:

“Unë jam i izoluar në shtëpi dhe po ndjek të gjitha protokollet. Faleminderit për mbështetjen e marrë, do të kthehem në punë kur të shërohem plotësisht. Kini kujdes, për ju dhe për të tjerët”.

Shpërndaje
Share.

Komento