Dy varjante të reja të Covid-19 janë zbuluar në Angli dhe në Afrikë dhe kjo gjë ka shkaktuar frikë në botë, pasi sipas studiuesve këto variante janë 70% më infektuese.
Doktori i njohur Andi Koraqi tha se ky virus ka 29 ndryshime në strukturën e tij, por nuk ka akoma shumë informacion rreth ndryshimeve.
Ai është shprehur se nëse virusi ka ndryshuar strukturë, atëherë do të thotë që vaksina nuk do të ketë efekt.
“Ka 29 ndryshime në strukturën e tij. Koronavirusi është i prirur të bëjë 2 deri në 4 viruse, ndërsa ky motacion ka kaluar pritshmëritë. Nuk ka akoma shumë informacion.
Pyetja është nëse mutacioni i ri ka ndryshuar strukturën. Nësa ka ndryshuar strukturën, pra fytyrën nuk kemi më virusin e Ëuhanit por një virus të ri. Nëse kemi një virus të ri atëherë mundet që as vaksina të mos ketë efekt”, tha Koraqi për Open.
Ndërkohë mjeku i njohur, Dritan Ulqinaku ka zbuluar një detaj mjaft interesant për mbërritjen e vaksinës në vendin tonë.
Në emisionin “Open”, ai tha se ka mbërritur një letër nga COVAX në Ministrinë e Shëndetësisë, ku thuhet se brenda 3 muajve të parë të vitit 2021 Shqipëria do të mund të përdor vaksinën anti-Covid.
“Sapo më njoftuan. Në Ministrinë e Shëndetësisë ka ardhur një letër nga Covax ku thotë se 3 muajt e parë të 2021 do mbërrijë vaksina në Shqipëri. Nuk mund të jap më shumë informacione se kaq”, është shprehur mjeku Ulqinaku.
Ndërkohë, nga ana tjetër, Shefi i Urgjencës Kombëtare, Skënder Brataj tha se në një bisedë me Silva Binon, kjo e fundit i ka treguar se Shqipëria ka siguruar infrastrukturën për të marrë vaksinën. Ai shtoi se ka siguruar frigoriferë deri në -80 gradë për 30 mijë doza.
“Sapo ma konfirmoi Silva Bino. Kemi siguruar frigoriferë -80 gradë për 30 mijë doza vaksine. COVAX na ka siguruar se në tre muaj e parë do furnizojë me vaksina Shqipërinë, por nuk dihet cila vaksinë ende. Dua të them dhe që nuk ka datë as Maqedonia datë meqë bëhet krahasimi”, ka thënë Brataj./Gazetareforma.com/
