Pandemia e Covid-19 izoloi në shtëpi pothuajse të gjithë botën, duke i detyruar njerëzit të heqin dorë nga jeta e mëparshme, puna, festat, madje edhe ceremonitë mortore.
Gjatë këtyre muajve në karantinë kemi qenë dëshmitarë të shumë ditëlindjeve të festuara në shtëpi, pasi nuk ekzistonte asnjë mundësi tjetër festimi.
Më 18 maj qeveria vendosi të hapte lokalet dhe restorantet vetëm në ambientet e jashtme, duke iu përshtatur rregullave të distancimit social, nën një protokoll strikt masash.
E nëse shpesh pronarët e lokaleve janë gjobitur për shkelje të vogla, apo në zonat bregdetare Policia “bëri namin” duke mos lejuar njerëzit të futen në det, duket se vetë të afërmit e mazhorancës nuk përfshihen në ligj.
Motra e kreut të grupit parlamentar të PS-së, Taulant Balla, Alba, ka shpërndarë disa videoja nga festa e mikes së saj të ngushtë Albiona Sulo.
Sulo është punonjëse e zyrës së shtypit në Kryeministri.
Ajo ka vendosur që të festojë ditëlindjen me shoqërinë e saj më të ngushtë, duke postuar video në lokal pa respektuar rregullat e distancimit social.
Po ashtu, nuk dihet se ku ka ndodhur festa, pasi pas orën 21:30 të gjithë lokalet duhet të mbyllen sipas vendimit të marrë nga qeveria, ndërsa klubet e natës ende nuk janë hapur.
Një tjetër gjë që bie në sy është fakti që motra e Ballës i ka bërë ‘tag’ në Instastory vetë kryeministrit Edi Rama.
Nuk e dimë nëse kreu i qverisë ka qenë i pranishëm në festë, apo Balla ka treguar se sa e privilegjuar është dhe se si ligji nuk funksionon mbi të.
