Motra e Saimir Sulës ka dalë sërish në protestë para ministrisë së drejtësisë, me kërkesën që të hetohet rasti i vdekjes së tij. Ajo thotë se përse nuk hetohet mungesa e zemrës së tij nga trupi i ardhur nga Spanja, duke ngritur akuza se bëhet fjalë për trafik organesh.
“Pse heshtni në 3 vite, kjo heshtja juaj më bën të mendoj që këtu bëhet fjalë për trafik organesh. nëse nuk është më thoni ku është zemra e tim vëllai. Pse është kaq e vështirë të bëni një ADN?
Zoti Manja, në 3 vite ju heshtët nuk kërkuar llogari homologes në Spanjë për 7 letërporositë e nisura.
Suela Salavaçi prokurore e rastit në Shqipëri, keni rast të hapur për trafik organesh. Më tregoni si do e mbyllni, si do e hetoni, pse nuk e hetoni?
Ju kam nisur video nga vdekja e Saimiri, pse nuk keni interes për imazhet e dhunës ku tregohet ai i masakruar nga 8 rojet e spitalit publik në Spanjë?”, deklaron ajo.
Kujtojmë se Saimir Sula humbi jetën në rrethana të paqarta në një spital në Spanjë, ku sipas familjarëve shkoi për të bërë një test koronavirusi dhe doli i vdekur pa zemër në trup. Prej asaj kohe familjarët kanë kërkuar nga drejtësia që të zbardhet rasti dhe të vendoset drejtësia për të riun shqiptar.
“Investitori i vërtetë në Zvërnec është qeveria”, Murrizi: Kryetarja e SHISH jepte llogari te Agasi, SPAK të hetojë Ramën
Ish-deputeti Myslym Murrizi ka lëshuar akuza të forta ndaj qeverisë, kryeministrit Edi Rama, drejtuesve të institucioneve të sigurisë dhe projektit...
