“Mos u mërzit se janë shokët e babit”, Afrim Berisha tregon bisedën me Alvinin pas lirimit nga kampi

Google+ Pinterest LinkedIn Tumblr +

Tmerri për Alvin Berishën më në fund ka përfunduar. Ai ndodhet jashtë kampit të luftës dhe shumë shpejt pritet të mbërrijë në Itali.

Babai i tij, Afrim Berisha, në një lidhje telefonike me “News24”, ka treguar detajet e telefonatës me Avinin.

Ai ka falenderuar autoritetet shqiptare dhe italiane, që bënë të mundur lirimin e të birit nga kampi.

Sipas tij, kanë qenë karabinierët e ROS, që kanë bërë të mundur shpëtimin e Alvinit, në bashkëpunim me autoritetet shqiptare, Kryqin e Kuq dhe Gjysmëhënën siriane.

Më tej Afrimi tregon se Alvin fillimisht ka qenë i trembur, pasi nuk e dinte se ku po e çonin.

Vogëlushi është i plagosur prej 6 muajsh në këmbë dhe pranë tij po qëndron një doktoreshë e Kryqit të Kuq.

Ku ndodhet Alvin tani?

Tani është në Damask. Unë jam nisur ta pres në Romë. Nuk kam konfirmim kur mbërrin por po presim.
Shumë faleminderit të gjithë ata që janë marrë me djalin. Si Shqipëria, si Italia. Kanë 5 vjet autoritetet në Milano që merren me mua dhe djalin. Tani e kanë ata në dorë. Faleminderit ambasadorit në Romë, presidentit, kryeministrit. Të gjithëve.

Kush ua dha lajmin?

Lajmin ma kanë dhënë karabinierët e ROS. I kam me video, i kam të gjitha në dorë. Janë duke filmuar çdo gjë që ai bën. Faleminderit kryqit të kuq, gjysmëhënës siriane.

Kush e ka shpëtuar?

Karabinierët ROS anë 15 ditë që janë atje duke u marrë me këtë punë. Kanë shkuar dhe autoritetet shqiptare. Janë marrë kryqi i kuq ndërkombëtar. Gjysmëhëna siriane, të gjithë. Por më shumë karabinierët Ros të Milanos.
Më ka lajmëruar në telefon dhe ministri i Brendshëm i Shqipërisë. Më ka telefonuar dhe Presidenti i Shqipërisë Ilir Meta, e falënderoj shumë.

Si është Alvin?

Mirë thonë por deri sa ta shoh vetë. Kur ecën, ecën pak me këmbën se e ka të plagosur. Por është mirë. Është një doktoreshë që rri me të, deri kur të vijë në Itali. Është e kryqit të kuq. Ka 6-7 muaj që është plagosur.
Kam folur me të në telefon vazhdimisht, nga dje pasdite që ka dalë, nga ora 2 dje ka dalë, e kanë marrë nga kampi. Ma kanë dhënë, kam folur në telefon me të.

Çfarë ju tha Alvin?

Më tha ‘babi jam tu ardh’. I thashë babi është këtu afër, mos u mërzit se ata janë shokët e babit, mos u tremb. Më tha ‘mirë babi unë jam tu ardh’. Mbrëmë në orën 10 kam folur që mbërriti në hotel në Damask. Është i trembur se ai nuk i njeh, nuk e di ku po e çojnë. Mbrëmë fola me karabinierët Ros dhe i thashë babi mos u mërzit se ata janë shokët e babait. Tani po pres që ata të marrin avionin, të shkojnë nga Damasku në Libi dhe në Libi mund të më tregojnë se në çfarë ore do mbërrijë në Itali.

Ju keni dy fëmijë të tjerë?

Kam dy vajza. Vajza e madhe 17 vjeç, e dyta 16. Mezi po presin vëllain. Po presin gjithë shqiptarët. Kam pasur shumë shumë telefonata. Shumë shumë faleminderit gjithë shqiptarëve, kush është marrë me këtë punë.

Cili do ishte mesazhi që mund t’i jepnit të gjithë atyre njerëzve, gjithë atyre prindërve që ndoshta janë në pozitat tuaja?

Kërkoj që siç janë marrë me djalin tim, të merren dhe me të gjithë ata fëmijë që janë atje, të kthehen të gjithë sa më shpejt.

Shpërndaje
Share.

Komento