“Mos i bëni publikë të infektuarit”, FSHF urdhëron klubet shqiptare nëpërmjet protokollit të pazakontë

Google+ Pinterest LinkedIn Tumblr +

Federata Shqiptare e Futbollit ka shpërndarë protokollin e sigurisë higjeno-sanitare për sa i përket vazhdimit të këtij sezoni, por duhet thënë se është vërtet i pazakontë.

Klubeve shqiptare të futbollit u ka mbërritur një dokument, ku një nga pikat më të rëndësishmë që trajtohet në të është në rastin kur një lojtar mund të rezultojë pozitiv ndaj Covid-19.

Sipas “VIP Sport”, i cili ka siguruar edhe dokumentin, tregohet qartë edhe udhëzimi i parë i FSHF, që emri i lojrarëve që mund të rezultojnë të prekur me koronavirus, të mos bëhen pulikë në media.

“Në rast të një testi pozitiv me COVID-19 te një lojtari ose pjestar të stafit teknikt, nuk duhet të bëhet raportim i menjëhershëm në media por personi i prekur duhet të izolohet menjëherë dhe personat që ai ka patur kontakt duhet të testohen”, shkruhet në këtë protokoll.

Më poshtë tij shkruhet se po ashtu nuk është e nevojshme që të karantinohet i gjithë ekipi, por vetëm personi i cili ka shfaqur simptomat.

“Nuk është e nevojshme që i gjithë ekipi të karantinohet. Autoritetet shëndetësore përkatëse vendosin për karantinat e mundshme në grup.

Sidoqoftë, si masë paraprake, klubet duhet të “sigurojnë një numër të konsiderueshëm lojtarësh në finalen e sezonit””, shpjegon protokolli që u është shpërndarë sot klubeve e që pret miratimin nga Ministria e Shëndetësisë.

Shpërndaje
Share.

Komento