Drejtoresha e Shtëpisë muze “Ismail Kadare”, Ana Shkreli ka dhënë dorëheqjen nga posti i saj.
Ana është vajza e zv.ministrit të Infrastrukturës, Artan Shkreli dhe partnerja e kreut të FRPD-së, Belind Këlliçi, teksa tashmë është larguar nga detyra.
Në Facebook Ana ka hedhur një status të dyshimtë ku shkruan se në orën e saj të zezë ka menduar se njerëzit për liri kanë dhënë jetën.
Më pas shkruan se tashmë është një “fillim i ri”.
“Në orën time të zezë mendova se njerëzit për liri kanë dhënë jetën. New beginnings,”-shkruan ajo me anë të një postimi në Facebook. Megjithatë nuk ka dhënë detaje lidhur me dorëheqjen.
Ditët e fundit Ana Shkreli është parë që të marrë pjesë në protestën kundër prishjes së godinës së Teatrit Kombëtar.
Nuk dihet nëse pjesëmarrja e saj në protestë ka ndikuar në largimin e saj nga detyra apo nëse bëhet fjalë për motive të tjera personale.
