Mjeku epidemiolog, Ilir Alimehmeti, ka folur për rastet e infektuar me Covid-19, por dhe si ndikon moti i nxehtë për aktivitetin e kësaj sëmundjeje.
Alimehmeti është shprehur për “News24” se kjo stinë është një lloj ilaçi kundër koronavirusit.
Edhe pse sot janë konfirmuar dhe 18 raste të reja, mjeku u shpreh se deri tani Shqipëria është në një situatë të mirë duke iu referuar shifrave zyrtare, sipas mjekut.
“90% e rasteve me COVID janë kontakteve të personave të prekur më parë.
Rritja thjesht e numrave, rasteve të reja por kapaciteti spitalor mbetet njësoj, është e qëndrueshme gjendja në spitale do të thotë që ne jemi relativisht të qetë. Nuk kemi vdekje.
Kemi vetëm 3% të shtretërve të zënë, kemi kapacitet 97%. Jemi shumë mirë nga ky drejtim. Sëmundje të llojeve të ndryshme kalojnë në popullatë por bëhen serioze në momentin që kanë nevojë për kujdes spitalor apo intensiv.
Çdo rritje e temperaturës e ul me 3.8% koeficientin R dhe çdo përqindje lagështie e ul me 2.4% që do të thotë stina e verës është një ilaç por nuk e zhduk krejtësisht.
Nëpër ambiente të jashtme, në sipërfaqe inerte është gjetur por është i paaftë për të infektuar njerëzit.
Gjatë verës duhet të jemi relativisht të qetë por kyçi është evitimi i grumbullimeve”, deklaroi Alimehmeti.
