Rastet me Covid-19 në vendin tonë kanë ardhur në rritje prej disa ditësh dhe për këtë, mjeku Dhimitër Kraja ka një apel drejtuar të gjithë qytetarëve.
Në një video të shpërndarë nga ministrja e Shëndetësisë, Ogerta Manastirliu, Kraja thotë se prej disa ditësh në spitalin Covid 1, nga pikëpamja statistikore, ka pasur shtim të rasteve të reja. Mjeku bën me dije se të sëmurët që janë të shtruar, janë të gjithë të pavaksinuar.
Kraja u ka bërë apel qytetarëve që të vaksinohen me të dyja dozat dhe gjithashtu të respektojnë masat e parandalimit të përhapjes së sëmundjes.
“Meqë ndodhemi në një moment të ri te rrjedhës së pandemisë së COVID-19 në vendin tonë, mendojmë se është e arsyeshme të vëmë në ndukje disa dukuri që janë të rëndësishme për një sensibilizim për situatën që po kalojmë. Prej disa ditësh, në spitalin COVID1 ka disa të dhënë të reja, nga pikëpamja statistikore kemi një shtim të rasteve. Një karakteristikë e përbashkët epidemiologjike e këtyre rasteve është se të sëmurët janë të gjithë të pavaksinuar. Pra virusi qarkullon në Shqipëri ende, duke ruajtur infektueshmërnë e tij, për të kapur të pavaksinuar, ai ruan agresivitetin e tij. Të gjitha këto çojnë në një konkluzion logjik, duhet të vaksinohemi të gjithë! Duhet të vaksinohemi në mënyrë të plotë, jo bëjmë dozën e parë dhe mos të bëjmë të dytën E fundit është se veç vaksinimit që është detyra e të gjithë shqiptareve, duhet të zbatojmë të gjitha masat e parandalimit të përhapjes së sëmundjes”, thotë mjeku Kraja.
