Ministrja shkarkon Mynyr Konin/ Dekanët: Situata është vonuar shumë! Vendim i drejtë

Google+ Pinterest LinkedIn Tumblr +

Shkarkimi i Rektorit të Universitetit Mynyr Koni ka sjellë edhe reagimet e para dhe këtë herë nga 4 dekanët e Fakulteteve të Universitetit të Tiranës.

Në një konferencë për mediat, të katër drejtuesit e lartë të fakulteteve e kanë quajtur vendimin e Ministres së Arsimit, Besa Shahini si vendim shumë eficient dhe të nevojshëm.

“Opinioni publik ka marrë vesh se ministrja e Arsimit, ka konfirmuar pezullimin e rektorit të UT dhe ka zëvendësuar me një nga zëvendës rektorët. Qendrimi në përputhje me ligjin dhe kushtetutën. Opinioni publik duhet të dijë se situata është vonuar shumë”, ka thënë dekani i Fakultetit Ekonomik Dhori Kule.

Gjithashtu Kule ka thënë se prej një viti e gjysmë shqetësimet janë shtuar.

“ Kemi 1 vit e gjysëm që kemi shqetësime. U bë kontrolli dhe pas një viti e gjysëm, ligji gjeti dritë jeshile. Ka shkelje, ministria e Arsimit ka të përcaktuar kompetencën për të gjetur shkeljet e ligjit. Politika mbajti peng universitetin. U shpërdorua detyra me fondet e dhëna nga Europa”, ka thënë gjatë fjalë së tij, dekani.

Shpërndaje
Share.

Komento