Ministria e Mbrojtjes jep alarmin: Strukturat e Emergjencave Civile të jenë në gatishmëri, pritet mot i keq

Ministria e Mbrojtjes jep alarmin: Strukturat e Emergjencave Civile të jenë në gatishmëri, pritet mot i ke
Moti duket se do të përkeqësohet në ditët në vazhdim dhe këtë e ka bërë të ditur vet Ministria e Mbrojtjes e cila i ka kërkuar gjithë institucioneve vendore të marrin masa.
Drejtori i Përgjithshëm i Emergjencave Cilive në Ministrinë e Mbrojtjes, Haki Çako, ka bërë me dije se ka pasur shtim të reshjeve dhe ulje temperaturash sidomos në zonat malore, gjë e cila pritet të jetë dhe në ditët në vijim.
Çako i ka kërkuar prefektëve të qarqeve, drejtuesve të bashkive, drejtuesve dhe institucioneve qëndrore në nivel rajonal dhe vendor, të marrin masa urgjente sipas fushës së pergjegjësisë, për përballimin e çdo situate emergjente, si dhe sigurimin e kushteve për jetën normale të komunitetit.
Prefektët e qarqeve nëpërmjet strukturave të emergjencave civile pranë administratës së tyre të komunikojnë me subjektet kontraktore që këto të venë në dispozicion të gjitha kapacitetet e tyre njerëzore dhe teknike dhe sasitë e mjaftueshme të kripës, dhe të skorieve etj., për të ndërhyrë në pastrimin e rrugëve nga dëbora, eleminimin e ngricave në rrugë, pastrimin e rrugëve nga inertet dhe gurët që mund të bien në rrugë, etj. Gjithashtu, prefektët e qarqeve kërkohet të bashkëpunojnë me strukturat e Policisë së Shtetit, ARRSH, OSHEE, për të pasur një menaxhim dhe qarkullim normal të automjeteve në akset rrugore, veçanërisht të atyre që kryejnë transportin e nxënësve dhe mësuesëve për në shkolla dhe anasjelltas, si dhe të punohet për eleminimin në kohë të defekteve në furnizimin me energji elektrike të komunitetit, objekteve social-kulturore, spitaleve, hidrovorëve, etj, për të përballuar sa më mirë situatën që mund të krijohet nga reshjet, ngricat, etj.