Ditën e djeshme në ambientet e presidencës u oragnizua një ceremoni në nder të 100 vjetorit të Tiranës ku të ftuar ishin dhe ish-futbollistët më të mëdhenj të ekipit të bardhebluve.
Në këtë ceremoni ishte i pranishëm dhe presidenti i vendit Ilir Meta i cili vlerësoi për kontributin e madh të dhënë ndër vite në futboll dhe frymëzimin e brezave të rinj disa prej legjendave të Tiranës dhe u akordoi tyre çmimin “Mjeshtër i Madh”.
Në një postim në Facebook Meta shpërndau disa foto nga ceremonia dhe çmimet për legjendat e bardhebluve.
STATUSI NGA ILIR META
Në vijim të nderimeve, me rastin e 100-vjetorit të KF Tirana, pata sot kënaqësinë e madhe të vlerësoja disa nga futbollistët më të spikatur të këtij ekipi, të cilët me lojën dhe shpirtin e tyre të garës kujtohen me shumë dashuri nga të gjithë sportdashësit bardhë e blu⚪🔵 dhe kuq e zi.🔴⚫
Vlerësova me Titullin e lartë “Mjeshtër i Madh”:
Futbollistin Osman Mema, anëtarin e dinastisë së familjes së futbollit Mema, familje, e cila ndër vite ka nxjerrë futbollistë cilësorë e njerëz mjaft të respektuar. Osman Mema ka qenë një lojtar brilant, një mbrojtës i shkëlqyer i dinjitetit njerëzor, i vlerave sportive, qytetare dhe demokratike;
Mesfushorin e shkëlqyer Bedri Omuri me aftësitë e tij të spikatura kudo në fushën e blertë, një lojtar profesionist i klasit të lartë, që nga mbrojtja e deri golashënues befasues;
Të palodhurin dhe “mbretin” e krahur të djathtë, shpirtin e skuadrës dhe të krosimeve preçize, sidomos drejt Mingës dhe Kolës, mjeshtrin e topit, Millan Baçi;
Golashënuesin e spikatur, mësuesin dhe trajnerin e palodhur Edmond Gëzdari;
Futbollistin e talentuar, të palodhur, të paepur, lojtarin korrekt dhe trainerin kampion Mirel Josa;
Lojtarin e niveleve të larta, me një kontribut të çmuar në arenën kombëtare dhe ndërkombëtare, Artur Lekbello apo siç e kemi njohur të gjithë, Tushen;
Mbrojtësin energjik, lojtarin e sukseshëm dhe kapitenin e jashtëzakonshëm skuadrës Krenar Alimehmeti.
Mirënjohje për emocionet e paharruara dhe për rezultatet e larta të arritura me shumë punë, përkushtim e sakrifica, që e lartësuan emrin e Shqipërisë në arenat ndërkombëtare sportive, dhe i shndërruan këto emblema të sportit tonë në burim të përhershëm krenarie dhe frymëzimi për gjeneratat e reja të futbollistëve tanë.
Por kjo ceremoni ngriti shumë pikëpyetje për tifozat e tjerë të Tiranës. Pasi Tirana ndahet mes bardhebluve të Tiranës dhe të kuqve të Partizanit. Këtu vlen të përmendet fakti që drejtuesi i ekipit të Partizanit është Olsi Rama, vëllai i kryeministrit Edi Rama.
Në një sondazh të kryer nga “GazetaRefroma” 56% e votuesve mendojnë se kjo ceremoni dhe këto çmime të akorduara nga presidenti Meta fshehin interesa politike pasi pozicionimi i tij krah bardhebluve nuk është diçka rastësore dhe jo e qëllimshme.
Edhe pse jetojmë në pandemi dhe ka masa kufizuese për organizmin e ceremonive të ndryshme nëa ambientet e brendshme të presdiencës këto masa nuk u respektuan ashtu sic duhet. Pasi siç duket dhe në fotot e publikuara nga vetë presidenti jo të gjithë mbajnë maska dhe nuk respektohet distanca fizike.
