fbpx

Meta uron 7 Marsin nga Korça: “Shpreh mirënjohje të thellë për të gjithë mësuesit”

Google+ Pinterest LinkedIn Tumblr +

Presidenti Ilir Meta ka qenë ditën e sotme në Korçë nga ku uruar edhe ditën e 7 Marsit për të gjithë mësuesit. Nga vendi ku u hap Mësenjëtorja e parë shqipe ai tha se i shpreh mirënjohje të thellë gjithë mësuesve, edukatorëve që punojnë në kushte mjaft të vështira. Meta tha se mësuesit meritojnë më shumë, sidomos ata në zonat rurale dhe se duhet bërë gjithçka që rinia e edukuar më së miri nga ata të mos largohet nga vendi.

“Për mua ishte një detyrim që sot të isha pikërisht këtu, në Korçë, në djepin e rilindjes sonë kombëtare të arsimit dhe kulturës. Ne sot kujtojmë me nderim të jashtëzakonshëm Pandeli Sotirin, Jeronim De Radën, Pashko Vason, Gjergj Fishtën, e shumë personalitete të tjera, që me vizionin e tyre, por dhe sakrificat e tyre, na dhanë gjuhën shqipe dhe arsimin tonë. Jemi sot t’iu shprehim mirënjohjen e thellë të gjithë mësuesve, edukatorëve, që punojnë sot edhe pse në kushte të vështira, për të pasur një të ardhme më të ndritur. Kujtojmë plejadën e mësuesve në pension, që ja kushtuan jetën e tyre të ardhmes së ndritur të brezit të ri. Roli dhe figura e mësuesit janë themelore dhe këtë e them edhe si fëmijë i dy prindërve. Shpreh sot mirënjohjen e thellë për të gjithë mësuesit. Të gjithë mësuesit tanë, sidomos ata në zonat rurale, meritojnë një mbështetje akoma më të madhe, sa i takon infrastrukturës digjitale. Duhet të bëjmë më shumë që rinia jonë, e edukuar më së miri nga mësuesit tanë, ta ndërtojë këtu të ardhmen”, tha  Meta.

Shpërndaje
Share.

Komento