Meta- Ramës: Bëj LSI 3-4 herë më të madhe, s’ma heq dot vizën nipi i Spiro Kolekës

Google+ Pinterest LinkedIn Tumblr +

Presidenti Ilir Meta ka folur ditën e sotme në një konferencë për media, ku ka komentuar edhe zgjedhjet e 30 qershorit.

Meta është treguar i gatshëm edhe ndaj çdo pyetjeje që kanë drejtuar gazetarë nga televizione të ndryshme.

Ai ka komentuar edhe zgjedhjet e 30 qershorit, ku ka kritikuar ashpër edhe ambasadorët, ku madje ka thënë se si nuk u vjen turp.

“Si nuk u vjen turp këtyre ndërkombëtarëve, që nuk kanë reaguar? Nuk e panë ata që nga mitingu i parë u pa situata. Provoko ai, e provoko ata. Si mendoni është normale kjo që nuk reaguan? Opozita që padiskutim që problemet e veta. Ata shikojnë vetëm problemet e opozitës dhe nuk shikojnë problemet e qeverisë.”, u shpreh Meta.

Meta lexoi nga celulari i tij mesazhin që kryeministri Edi Rama i ka dërguar presidentit Meta në vitin 2017. Rama i kishte shkruar në mesazh se pasi të mbaronte mandatin, Meta nuk do të gjente më asnjë shenjë nga LSI-ja.

Sot presidenti Meta iu kundërpërgjigj, duke thënë se ai mund të ngrinte një LSI 3 ose 4 herë më të madhe sesa e kishte lënë ai, por ky nuk ishte synimi i tij tani. Synimi i Metës, siç edhe ai vetë u shpreh, është se do që t’u japë një shans më të madh të rinjve shqiptarë.

Meta deklaroi:

“Kur nuk më interesoi që lashë Partinë Socialiste, që i kisha kushtuar vitet e rinisë time, LSI-në e bëj nja 3 a 4 herë më të madhe se sa është tani. Bëj një LSI-tjetër. LSI-në s’e bëra për vete, por për Shqipërinë. Për t’u dhënë një mundësi të rinjve si Kejdi Mehmetaj, Floida Kërpaçi e shumë të tjerëve të kontribuonin në demokracinë e vendit të tyre”.

Teksa u pyet nga gazetari Muhamed Veliu në lidhje me raportet e tij me Shtetin Amerikan dhe me mundësinë e heqjes së vizës për në Amerikë ndaj presidentit, Meta u shpreh i prerë.

Ai tha:

“S’bëhet llaf të më heqi mua nipi i Spiro Kolekës vizën amerikane. Në këtë botë jo njëherë, për në botën tjetër, nuk e di”.

Shpërndaje
Share.

Komento