Alvin Berisha më në fund është jashtë kampit “Al-Hawl”.
“Ora News” bën me dije se shumë shpejt vogëlushi do të shkojë në Romë dhe më në fund do të bashkohet me babanë e tij.
Në operacionin e shpëtimit u angazhua edhe konsullata shqiptare.
Alvin Berisha përfundoi në kampin sirian kur ishte vetëm 6 vjeç.
Ai u mor nga nëna e tij, Valbona Berisha, e cila pasi u radikalizua, u martua me një xhihadist nga Kosova dhe shkoi në Siri.
Ajo vdiq si pasojë e një shpërthimi, duke bërë që Alvin të mbesë i vetëm
Rasti i Alvin Berishës u bë publik nga emisioni investigativ “Le Iene”.
Stafi i emisionit mundësoi gjithashtu një takim mes 11-vjeçarit dhe babait të tij, Afrim Berishës, pas plot 5 vitesh.
