Ish-ylli i Barcelonës, Ronaldinho dhe vëllai i tij janë arrestuar sërish nga policia në Paraguaj.
Ata u kapën të mërkurën me pasaporta false, por u lanë të lirë, pasi prokuroria refuzoi të bënte një akuzë zyrtare.
Ronaldinho dhe vëllai i tij menduan se shpëtuan, por gjykata kërkoi hetime të mëtejshme.
Tashmë ata ndodhen në një burg për VIP-a të sigurisë së lartë në Paraguaj.
Ish-ylli i Barcelonës pritet të dalë sot përpara trupit gjykues, i cili do të vendosë, se për sa kohë do të qëndrojë ai me të vëllanë në burg.
Së bashku me të u arrestuan edhe dy mbajtëset e pasaportave origjinale, si dhe biznesmeni Wilmondes Sousa Lira, i cili i kishte siguruar dokumentet false.
Ronaldinho dhe i vëllai u arrestuan të mërkurën për shkak se udhëtuan drejt Paraguajit me pasaporta false.
Braziliani ishte ftuar nga pronari i një kazinoje në një event.
Ish-kampionit të botës me Brazilin, i është bllokuar pasaporta nga autoritetet e vendit të tij, për shkak se ndërtoi pa leje një grackë peshqish në liqenin e Guaibas në 2018-ën.
