Drejtori i Përgjithshëm i Policisë së Shtetit ka dhënë detaje rreth megaoperacionit, ku u lëshuan 15 urdhër-arreste, ndërsa u zbuluan 6 vrasje. Rrumbullaku renditi disa nga krimet që tashmë janë zbardhuar, në periudhat e ndodhura në 2021-2023. Kujtojmë se këto vrasje u zbardhën pas dëshmisë së Artan Tafanit, i cilli renditi disa nga krimet e bandës së Laert Haxhiut.
“Janë zbardhur 6 vrasje, 3 raste të vjedhjes me dhunë, kanosjes së punonjësit të policisë si edhe zbardhjen e dy vrasjeve të kryera në tentativë. Prokuroria e Elbasanit ka lëshuar 15 urdhra ndalimi, janë ekzekutuar 12 ndërsa 3 shtetas janë shpallur në kërkim. Artan Tafani, dyshohet se ka kryer disa ngjarje kriminale, vrasje nga viti 2021-2023”, tha Rrumbullaku.
