Dita e sotme është afati i fundit për banorët e Astirit, që të lirojnë shtëpitë e tyre.
‘Shqiptarja.com” shkruan, se IKMT ka parashikuar që të prishë sot 8 banesa.
Që në orët e para të mëngjesit, banorët e Astirit kanë dalë në protestë, me hunj dhe sfurqe në dorë, për të mbrojtur banesat.
Ata kanë paralajmëruar se do të përplasen me policinë, nëse është e nevojshme.
Në mbështetje të tyre ka qenë edhe ish-deputeti i PD, Klevis Balliu.
Ditën e enjte punonjësit e IKMT shkuan pranë Unazës së Re për të bërë njoftimin.
Ata u ndeshën me dhunën e banorëve, të cilët goditën me gurë e sende të forta punonjësit.
Si pasojë e dhunës, 4 prej tyre dhe 1 punonjës policie mbetën të plagosur.
